LinkWithin

Related Posts Plugin for WordPress, Blogger...

Thursday

తళ తళ లాడే మొహం కోసం ...

టీ స్పూన్ చందనం పొడిలో టీ స్పూన్ పసుపు టీ స్పూన్ పచ్చిపాలు కలపాలి. అలా కలిపిన మిశ్రమాన్ని ముఖానికి పట్టించి 20 నిమిషాల తర్వాత గోరువెచ్చని నీటితో కడగాలి. ఇలా వారానికి రెండు సార్లు చేస్తే చర్మం మెరుస్తూ ఉంటుంది.

మొహం మిద మచ్చలు పోవాలంటే ..

1.మచ్చలున్న చోట నిమ్మ చెక్కతో రుద్దాలి.

2.ఒక స్పూను తేనె, ఓట్‌మీల్, పెరుగు కలిపి ముఖానికి పట్టించి పదినిమిషాల తర్వాత చల్లని నీటితో కడగాలి.

3.ఒక స్పూన్ వెనిగర్‌ను వేడినీళ్లలో కలిపి మచ్చల మీద రాయాలి.

4.ఉల్లిరసంలో దూదిని నానబెట్టి పడుకోవడానికి ముందు పదిహేను నిమిషాల పాటు మచ్చల మీద మర్దన చేయాలి.

5.ఒక స్పూను ఉల్లిరసానికి ఒక స్పూను తేనె కలిపి మచ్చలున్న చోట రాయాలి.

కోమలమైన చర్మం కోసం

కోమలమైన చర్మం కోసం రెండు స్పూన్ల కారట్ గుజ్జు, రెండు స్పూన్ల టొమాటో గుజ్జు కలిపి ముఖానికి పట్టించి 20 నిమిషాల తర్వాత చల్లని నీటితో కడగాలి. ఇలా వారానికి రెండు సార్లు చేస్తే చర్మం నునుపవుతుంది.

కాళ్ళ పగుళ్లు తగ్గాలంటే…

చలికాలంలో పాదాలు పగులుతుంటాయి. ఈ పగుళ్లు తగ్గాలంటే... అర కప్పు కొబ్బరి నూనెలో 10 వేపాకులు, చిటికెడు పసుపు, చిటికెడు కర్పూరం వేసి మరిగించి, చల్లారిన తర్వాత వడకట్టి నిల్వ చేసుకోవాలి. ఈ మిశ్రమాన్ని ఉదయం, సాయంత్రం క్రమం తప్పకుండా రెండు వారాల పాటు పాదాలకు రాసుకుంటే పగుళ్ళు తగ్గి మృదువుగా తయారవుతాయి

చలికాలంలో చర్మం పొడిబారకుండా ఉండాలంటే...

చలికాలంలో చర్మం పొడిబారకుండా ఉండాలంటే... రాత్రి పడుకోబోయే ముందు టీ స్పూన్ బాదమ్ నూనెలో చిటికెడు చందనం పొడి కలపాలి. ఈ మిశ్రమాన్ని ముఖానికి పట్టించి అయిదారు నిమిషాలు మసాజ్ చేసి ఉదయానే గోరు వెచ్చని నీటితో కడిగి మెత్తని టవల్‌తో తుడవాలి. ఇలా వారానికి రెండు సార్లు చేయాలి.