కచ్చాగుల్లా ఎలా తయారు చేయాలి ?

కావల్సినవిః పాలు - ఐదు లీటర్లు, పంచదార - 200 గ్రా, మొక్కజొన్నపిండి- 10 గ్రా, యాలకులపొడి - చెంచా, నిమ్మఉప్పు
తయారీ విధానం: ఓ గిన్నెలో పాలు తీసుకుని పొయ్యిమీద పెట్టాలి. మొక్కజొన్న పిండిని కాసిని నీటితో ఉండల్లేకుండా కలిపి మరుగుతున్న పాలల్లో వేయాలి. ఆ తరువాత నిమ్మఉప్పు వేసిన నీటిని చేర్చాలి. కాసేపటికి నీరంతా పైకి తేలి ... చిక్కని పాల మిశ్రమం మాత్రమే మిగులుతుంది. దీన్ని మళ్లీ తెల్లని వస్త్రంలో ఓసారి వడగట్టాలి. బాణిలో ఈ పనీర్‌ను తీసుకుని పొయ్యిమీద పెట్టి పంచదార, యాలకులపొడి చేర్చాలి. మిశ్రమం దగ్గరగా అయ్యాక దింపేయాలి. కాస్త చల్లారాక చిన్న చిన్న ఉండలు చుట్టుకుంటే చాలు. పసందైన పాల లడ్డూలు నోరూరిస్తాయి.